فجأه ظهر عد تنازلي علي موقع Battlefield و مكتوب تحته اول نظره علي مستقبل Battlefield و العد بيستعد ليوم 6 مايو.
طبعا العد التنازلي ده جه وسط شائعات ان اللعبه هتكون في فتره الحرب العالميه الاولي و هتبعد عن جوالعاب Call Of Duty و ترجع لمسارها القديم تقريبا , زياده عن الاعلان عن الجزء الجديد من السلسله هيكون في مكان مخصص للمطورين فالموقع لان هيكون في الايفنت زي فيديوهات تحكي تاريخ تطوير لعبه Battlefield فالماضي و الحاضر و المستقبل من المخرج الابداعي للعبه Lars Gustavsson و المنتج Aleksander Grondal , و الجميل فالامر ان EA صرحت لموقع VideoGamer انه هيبقي عرض حي و في شات هيمكن الفانز من ان هم يسالو عن التفاصيل و المطورين يجاوبوهم.
