في خلال مقابلة مع Tim Morten منتج التوسعة الجديدة StarCraft 2: Legacy of the Void عبر عن اعجابه الشديد برغبة محبي العاب الشركة انهم يشوفو العاب استراتيجية جديدة و خصوصا لو كانت من عالم Warcraft. و قال انهم في اي مشروع جديد بدون اي شك هياخدوا في اعتبارهم الاعتماد علي العالم دا او عالم Starcraft و اضافة افكار جديدة, لكن في الوقت الحالي مفيش خطط موضوعة لمشاريع زي دي.
طبعا Morten لمح بشكل كبير جدا ان احنا ممكن نشوف Warcraft 4 خصوصا ان الالعاب الاستراتيجية دي معدناش بنشوفها من بعد نزول لعبة الـMMORPG الخاصة بالسلسلة World of Warcraft, و جدير بالذكر ان التوسعة الجديدة المعلن عنها مؤخرا Legion فيها رجوع لبعض التفاصيل اللي تخص الالعاب الاستراتيجية القديمة و رجوع لمنطقة Broken Isles.
Morten اكد كمان ان اضافة StarCraft 2: Legacy of the Void مش هتكون نهاية سلسلة StarCraft خصوصا ان عالم السلسلة دي في احتمالات كتيرة من الممكن تنفيذها في مشاريع جديدة .
