في حدث خاص شركة Oculus VR عرضت لاول مرة نسخة المستهلكين من Oculus Rift.
في العرض الخاص بيها الشركة اكدت انها هتكون خفيفة الوزن بشكل كبير يخلي اي حد لابسها يحس انه لابس baseball cap علي راسه و قدمت خامات زجاج جديدة قضت علي مشاكل النسخ التجريبية.
النظارة هيكون فيها شاشات و عدسات متنوعة و هيكون في جهاز تتبع للحركة جديد و مرفق معاه مسند خاص بيه و سماعات ممكن تستبدلها باي سماعة تانية من اختيارك.
من ضمن الاضافات اللي مع النظارة هي Xbox One Controller دا غير ان النظارة ليها Controller متصمم ليها مخصوص اسمه Oculus Touch و هينزل في النص الاول من سنة 2016.
الاهم من كده ان الشركة دخلت في شراكة مع Microsoft لاضافة بث لالعاب الـXbox One للنظارة نفسها و دا اساسه امكانية بث العاب الـXbox One للـPC من خلال Windows 10. فا اللي هيحصل انك هتقدر تعمل بث للالعاب من الـXbox One و Oculus Rift هتظهرلك الالعاب دي كأنها شغالة علي شاشة ضخمة مش هتكون بنفس الفكرة المتوقعة انك هتشوف اللعبة من منظور الشخص اللي بتلغب بيه.
