ستيديو Oddworld Inhabitants اللي قدم في 2014 الـRemake الخاص باول اجزاء Oddworld المعروف بأسم Oddworld: New ‘n’ Tasty اعلنوا عن لعبتهم الجديدة Oddworld: Soulstorm اللي هتعتبر استمرارية لاحداث الـRemake بعد لما قدر Abe بطل اللعبة يهزم رئيس شركة RuptureFarms و يحرر العمال المستعبدين في الشركة و يلاقي نفسه مع قبيلة من 300 شخص بيواجهوا ماهو اشبه بالمجاعة.
مخرج السلسلة Lorne Lanning اكد ان من خلال اللعبة هيكون في قصة عميقة و سوداوية و هتتحكي هتوضح تفاصيل و جوانب خاصة بالسلسلة الاصلية و تعتبر بتعرض بعض الاحداث من زوايا و جوانب مختلفة.
اللعبة هتقدم عرض قصة جديد و مختلف و تطوير في العرض السينمائي ليها و اساليب لعب مختلفة و تعتمد علي ذكاء اللاعب
للحظة دي مفيش اي تفاصيل عن اللعبة اكتر من كده و هي المفترض تنزل في النص التاني من 2017.
