شركة Razer اعلنت عن احدث مشروعاتها في معرض CES 2017 و هو Project Valerie, المشروع عبارة عن Laptop بثلاثة شاشات 4K و كل شاشة منهم هتدعم تقنية G-sync و surround view من Nvidia.
الشاشتين الاضافيتين من الممكن سحبهم بشكل جانبي و يظهروا زي ما هو موضح في الصورة و كل واحدة منهم مقاسها 17 انش و مشغلهم كرت GTX 1080 و المواصفات العامة لباقي الجهاز غير معروفة حاليا لكن لابد التنوية علي ان المنتج يعتبر غير نهائي و المعروض منه نموذج تجريبي مبني علي احدث نسخة من Razer Blade.
و الهدف العام من Project Valerie حسب تعليق Razerانه موجه بشكل كبير جدا لاي شخص هيستفيد من زيادة عدد الشاشات بشكل ابداعي علي سبيل المثال في المونتاج و انتاج الفيديوهات مثلا بالاضافة لللاعبين اللي هيحبوا انهم يلعبو العابهم علي اكتر من شاشة.
شركة Razer عموما مش اول مرة يعرضوا نماذج تجريبية لمشاريعهم في CES 2014 كانوا عرضو مشروع اسمه Christine و كان عبارة عن جهاز PC قابل للتحديث بسهولة شديدة و بيتم تبريد مكوناته كلها بتبريد مائي معتمد علي زيوت معدنية مخصصة للتبريد.
