أخبار و مراجعات ألعاب الفيديو

الجزء التاني من Sleeping Dogs كان هيبقى مختلف و طموح جدا

SHARE
, / 165
الجزء التاني من Sleeping Dogs كان هيبقى مختلف و طموح جدا

من الممكن إن احنا منشوفش الجزء التاني من Sleeping Dogs, ولكن تقرير جديد من Waypoint كشف عن تفاصيل كتير جدا إيه اللي كان هيبقى موجود في الجزء التاني.

على الرغم من إن ستوديو United Front Games قفل خلاص, المشروع الخاص بـSleeping Dogs 2 كان بيتم الشغل عليه من 2013. الفكرة الأساسية تم تعديلها أكتر من مرة, ولكن اللعبة عمرها ما دخلت فترة الانتاج.

حسب تقرير Waypoint, Sleeping Dogs 2 كانت أحداثها هتبقى بعد الجزء الأول, وهتتبع قصة Wei Shen شرطي سري وعنده شريك فاسد اسمه Henry Fang كان هيساعده في استكشاف مدينة Pearl River في الصين.

الفريق كان عنده رؤية طموحة جدا عن طريق استخدام الجيل الجديد و تكنولوجيا المتوفرة في الموبيلات. الفكرة الأساسية كانت هو وجود قرارات اللاعب بيتخذها في تطبيق مجاني على الموبيل و القرارات ديه هتأثر على اللي هيحصل في المدينة على الـConsole Game, زي إن معدل الجريمة يرتفع, عربيات مختلفة تظهر في عالم اللعبة, و تغير طباع الـNPC. الهدف الرئيسي من النظام ده كان انه يبقى متوسع على شبكة اللعبة بالكامل, بمعنى إن كل لاعبي الـMobile هيأثروا على كل لاعبي نسخة الـConsoles, مش موبيل واحد بيأثر على Console واحد.

بالأضافة لكده, Sleeping Dogs كانت هتدعم Co-op, زي السماح للـ لاعبين بالسباق ضد بعض, محاربة بعض, أو يحاربوا أعداء اللعبة في مهمات Survival عالم اللعبة هو اللي بيصنعها. مثال على كده هو قضية فاسدة بتكشف بتكتشف إنها جرمية قتل فيها NPC بيتم قتله, كل ده مش سيناريو مصنوع من مطوري اللعبة.

بسبب عدم دخول اللعبة لمرحلة الانتاج, للاسف حاليا من المستحيل إن احنا نعرف هل كانت رؤية United Front Games هتنفع ولا لأ. مقارنة الـData الخاصة بـSaves اللاعبين هو شيء طموح جدا و مكلف و ممكن يواجه مشاكل من Sony و Microsoft.