Telltale Games و شغفهم واحد من أكبر أسباب تحويل سلاسل زي The Walking Dead و Batman لألعاب بنظام حلقات منتوعة جدا. ويبدو كده إن الستوديو شغال على عمل تعاوني جديد خاص بواحد من أنجح المسلسلات حاليا.
خلال تدوينات على حساب Telltale على Twitter و Facebook, الشركة بتلمح إن في مشروع ليه علاقة بـMr. Robot, اللي كان بدء السنة اللي فاتت على USA Network, و اترشح لستة جوائز Emmy. المسلسل أحداثه بتدور عن مخترق/Hacker بيدخل في الأرهاب الألكتروني ضد شركة اسمها E-Corp.
بالتحديد, التدوينات اللي تم نشرها من قبل Telltale ليها علاقة بـ“E-Corp Messaging” و هو عبارة عن تطبيق للـiOS و Android. حسب التلميحات, التطبيق ده هينزل 17 أغسطس على الجهازين.
التلميحات كلها حصلت خلال نص يوليو لحد النهاردة, ومعناها مش واضح, هل الستوديو بيساعد في تطوير التطبيق ده أو هل هيبقى في لعبة مقتبسة من السلسلة التلفازية.
خلال نظرة على حساب “@ecorpmessaging” على Twitter, بنشوف إن الحساب عامل متابعة/Follow لـTelltale Games و Night School Studio, مطوري لعبة Oxenfree, ده بيدي تلميح إن الستوديو ممكن يبقى شغال على مشروع خاص بالمسلسل أيضًا. بالاضافة إن الستوديو نزل التغريدة التالية
eps1.51_exfiltrati0n.apk
eps1.51_exfiltrati0n.ipa https://t.co/RgXrOyO5mx— Night School Studio (@nightschoolers) August 10, 2016
حتى الآن الأمر مش واضح, و التلميحات بتطلب من الناس إنها تتابع حساب ecorpmessaging على Twitter عشان تعرف أكتر أول ما يتم الاعلان عن التطبيق وتفاصيل أكتر عنه في 16 أغسطس القادم, و بنسبة كبيرة هنشوف ساعتها إيه دور Telltale Games و Night School بالظبط.
Everyone we know. Everyone we follow. Together, with the @ecorpmessaging app, we can connect the world. pic.twitter.com/3zsOUCDBfI
— ecorpmessaging (@ecorpmessaging) August 8, 2016
