يبدوا كل المخاوف اللي كانت محيطة باشاعات بيع Twitch لـGoogle بدات تكون في محلها, للاسف الشديد Twitch بدأوا في تطبيق نظام حقوق ملكية مشابه للـyoutube.
بحيث ان بيتم الكشف علي اي فيديو موجود في الارشيف بيحتوي علي اي مزيكا سواء كانت في اللعبة او كان الشخص اللي بيعمل streaming مشغلها , فا بيتجه الموقع لحجب الصوت تماما في الجزئية اللي شغال فيها المزيكا دي و الفيديو تقريبا بيبقي مليان لحظات من غير صوت.
فا طبعا الموضوع هيمثل بشكل كبير ضغوط و قيود علي اي مستخدم للموقع خاصة لو كان اصلا هربان من نفس القيود علي موقع زي Youtube.
طبعا الصفقة اللي بين google و twitch متمش الاعلان عنها بشكل رسمي بس الخطوة اللي الموقع نفذها تقريبا بتأكد شوية علي ان الصفقة حقيقة و الفترة اللي جاية هتشهد غضب بشكل كبير جدا من مستخدمي الموقع.
