Blizzard اعلنوا اخيرا عن التوسعة الجديدة للعبة World of Warcraft اللي هيكون اسمها Legion .
التوسعة هتضيف منطقة جديدة و هي The Broken Isles اللي ذكرت في Warcraft 3 و تعتبر موطن لحضارة تخص الـNight Elf و من خلال التوسعة دي Azeroth عالم اللعبة بيتعرض لغزو من شياطين بقيادة Gul’dan, و من خلال القصة هيتعرف اللاعبين علي احداث تخص Illidan و Sargeras قائد الـBurning Legion.
الاضافة هترفع الـLevelcap لـ110 بالاضافة لـDungeons و Raids جديدة و تقديم Honor system جديد للـPVP من خلاله فيه مكافات و مهارات جديدة.
اللعبة هتضيف Class جديد و هو الـDemon Hunter و اللي هيكون ليهم قدرات سحرية زي رصد الاعداء بشكل مقوي و من ورا اي عائق او حائط و قدرات تانية ممكن تتسبب في فوضي و تدمير بشكل كبير.
الـClass من خلال الـMetamorphosis يقدر يحول نفسه لاشكال مختلفة بتحسن من قدراته و سرعته.
التوسعة هتضيف اسلحة جديدة اسمها artifacts of legend هي اللي هتخليك تقدر تواجه الـBurning Legion و علي سبيل المثال الـPladins ليهم Two Handed Sword اسمه Ashbringer يقدر يحول اي حد لرماد.
البتا الخاصة بالتوسعة هتبدا في خلال السنة دي و معلومات و صور اكتر عن اللي هيتم اضافته من اسلحة و عن الـDemon Hunters موجودة علي موقع اللعبة هنا.
و في عرض جديد للتوسعة ممكن تشوفوه هنا :
