اخبار ظهرت في الفترة الاخيرة بخصوص ان المخرج Hideo Kojima هيكون حاضر احتفالية The Game Awards و لعبته الاخيرة Metal Gear Solid 5 قدرت تحصل علي جايزتين كافضل لعبة اكشن و افضل موسيقي.
لكن المفاجئ ان الجايزة الخاصة بافضل لعبة اكشن استلمها بدل منه الممثل Kiefer Sutherland و مقدم الاحتفالية Geoff Keighley فاجئ الكل بتبلغ محامي من شركة Konami لـHideo Kojima انه ممنوع من حضور احتفالية The Game Awards و الظهور بشكل علني و طبعا الخبر اللي Geoff اعلنه اثار استياء الحاضرين في الاحتفال بشدة و اتسبب في ردود افعال غاضبة علي الانترنت.
المفروض ان حسب المعلومات اللي عرفناها من خلال الازمة بين Kojima و Konami ان عقده هينتهي معاهم بنهاية ديسمبر الحالي لكن ايه الشرط اللي في العقد اللي يمنعه من الظهور بشكل علني او الادلاء باي تصريحات دا شئ مفيش اي تفاصيل عنه.
