علي ما يبدوا ان جهاز Xbox One Scorpio من Microsoft هيكون مدعوم بشكل كامل بمعالجات AMD الجديد سواء كان Ryzen او المعالج الجديد الخاص بكروت الشاشة Vega, لان من خلال المنشورات الدعائية الخاصة بـAMD في معرض CES و اللي تم نشرها علي موقع NeoGAF ظهر تأكيد علي ان الـXbox One Scorpio من الممكن يكون بيستخدم المعماريات الجديدة الخاصة بالشركة.
و معمارية Vega بالتحديد AMD بتروج ليها بشكل كبير علي قدرتها الفائقة علي تشغيل الالعاب علي دقة 4K و معدل فريمات عالي جدا, في معرض CES تم عرض لعبة DOOM علي اعلي اعدادات و مع تشغيلها علي دقة 4K بمعدل يصل لاكتر من 60FPS و طبعا Microsoft بتروج لجهازها الجديد Xbox One Scorpio علي انه قادر علي تشغيل الالعاب علي دقة 4K بشكل كامل.
