أخبار و مراجعات ألعاب الفيديو

شركة Microsoft بتخطط لتحديث مواصفات الـXbox One بشكل دوري و توحيد الـConsoles و الـPC

SHARE
, / 188
شركة Microsoft بتخطط لتحديث مواصفات الـXbox One بشكل دوري و توحيد الـConsoles و الـPC

Phil Spencer قال اللي من الممكن يكون اغرب تصريح ليه للحظة دي برغبة و خطتهم علي توحيد الـConsoles و الـPC عن طريق ان الـXbox One يكون جهاز قابل للتحديث.

اللي اتقال علي لسانه انهم بيخططوا انهم يصمموا نظام واحد لبرامج و العاب و انظمة تشغيل Windows و دا هيكون عن طريق ان الـXbox One هيكون قابل للتعديل و التحديث بدلا من اصدار منصات جديدة و دي رؤيتهم و اللي مؤمنين بيه حاليا حسب وصفه.

و تعليقه كان الاتي :

في نظرنا اي منصة سواء كانت تليفون محمول او PC من المفترض تحصل علي كل التطويرات المتاحة مع الوقت و دا نادر حدوثه مع المنصات, المنصات الهاردوير الخاص بيها مغلق و كذلك البرمجيات اللي معاها و التطور مش بيحصل الا من خلال كل جيل و التاني كل 7 اعوام مثلا في حين تطور انظمة تانية بشكل اسرع و اقوي.

التطورات اللي بتحصل في انظمة تانية بتسمح بشكل تلقائي لدعم البرمجيات القديمة او بمعني اخر بتوفر الـbackward compatibility سواء لبرامج او العاب هتكون متوفرة لمنصة موحدة اسمها Windows.

و كان ليه تعليق تاني علي اهمية دعم الالعاب علي الـPC و كان كالاتي:

الـPC Gaming بالنسبة لينا مهم جدا و دا جي من اهمية شئ زي الـWindows و اللي بنسبة 40% مستخدمينه بيلعبوا بشكل كبير الالعاب الجديدة و احنا بنشتغل بشكل دائم مع شركائنا لدعم الـWindows لتقديم منصة افضل. و اي شئ بيتم تطويره من خلالهم بيتم من خلال فريق Xbox اللي هيكون متفاني بنسبة 100% لكل المنصات اللي هتدعمها الشركة و من خلالها يقدر اي شخص يلعب العابه.

طبعا دا كان خلاصة كلام Phil Spencer اللي نقله موقع Polygon اللي تقريبا بيوضح لينا خطط غير متوقعة تماما لمستقبل منصة Xbox One و دعم الـPC في المستقبل.