من ساعة ما اعلنت Microsoft إن Kinect هيكون متاح اجباري لما تيجي تشتري Xbox One, و دااللي أدى إن سعره يبقى أعلى من PS4.
بغض النظر إن Kinect2.0 أحسن بكتير من اللي كان مع Xbox360 .في الأخر الجهاز مكنش مفيد في النهاية Microsoft استوعبت الغلطة ديه اللي الناس انتقدتها من الأول وسمحوا إن الموضوع يكون اختياري في الاخر وده سمح إن سعر الجهاز ينزل وعدد مبيعاته تعلي؟
Phil Spencer رئيس قسم Xbox في Microsoft مؤخرا صرح إن Kinect مابيضيفش إي حاجة للهدف الاساسي من الجهاز وهو الألعاب.
في مقابلة مع GamesRadar قال
فرق التطوير لسة شغالة على طريقة تسمح لي Kinect انه يحسن تجربة الترفيه و اللعب ولسة ماوصلوش لحاجة ومش عارف لو هيوصلوا. لكن هل Kinect اساسي لي تجربة اللعب على جهازنا في اطار اللعب المتواصل والسريع؟ بالفعل في لعب Kinect بيبقى كويس جدا فيها بس لو إنت بتلعب Halo أو Call of Duty مفيش سيناريو هيخليك تقول أنا محتاج Kinect
طبعا Spencer عمره ماهيطلع يقول Kinect كان فشل زريع بس ديه اقرب حاجة لي إنك تسمع واحد شغال في شركة بالحجم ده وفي المجال ده يطلع يقولك احنا غلطنا وده يثبتلك قد إيه Spencer شخصية محترمة مش بيتجه في كلامه لاساليب ادارات العلاقات العامة مؤخرا في اي شركة.
