مصادر قريبة من Darkside Games, المطورين السابقين لـPhantom Dust على Xbox One, بيدعوا إن الستوديو تم سحب اللعبة منه بسبب عدم تقديم اللعبة بطريقة تناسب متطلبات Microsoft.
موظف سابق قال إن المشاكل بدأت بعد العرض اللي Microsoft أصدرته للعبة في E3 2014, من غير معرفة مطوري اللعبة.
حسب المصدر, فـ اللعبة كانت لسة في أول مراحل التطوير, فبالتالي الفريق كان مصدوم لما Microsoft اعلنت عن Phantom Dust, وخاصة إن العرض معرضش حاجة من ممتلكات وشغل Darkside.
الموظف السابق قال التالي
احنا مكنش عندنا علم إن اللعبة هتتعرض في E3.
كل اللي اتقال لينا هو إن احنا نتفرج على E3.
الفريق كله كان في الـLiving مع بعض, وعندنا TV متوصل بـXbox One وكان العرض شغال و فجأة شوفنا عرض CG دقيتين وكلنا كنا مندهشين و العرض كان عاجبنا جدا.
ولكن في نفس الوقت Microsoft مستخدمتش حاجة من ممتلكاتنا, Microsoft لم تعرض أي حاجة احنا عملناها في اللعبة. ولا حاجة. كل اللي تم عرضه ملوش أي علاقة باللعبة. مكنش حد عنده أي فكرة عن اللي بيحصل.
وكلنا كنا الناس دلوقتي هتبقى فاكرة إن احنا هنقدم حاجة زي كده وإن شخصيات هيبقى شكلها كده, ولكن احنا مش هنعمل كده.
الستوديو كان تحت أمر من Microsoft, إن الستوديو لا يعلن عن تطويره للعبة و إن Microsoft مش هتعلن كده برضه.
مصدر تاني قال إن الموضوع كان محزن جدا واظهر عدم ثقة فينا.
تطوير كامل للعبة بدأ بعد E3 بشهرين في أغسطس, و في مصدر بيقول إن طلبات Microsoft فضلت تزيد, وكانوا عايزين إن احنا نخلص بسرعة. والستوديو وصل لنقطة مكنش قادر يوصل لمتطلبات Microsoft تحت المزانية اللي Microsoft كانت حطاها وهي 5 مليون دولار.
المصدر قال التالي
طلبوا منا حاجات كتير و وكانوا عايزين الطلبات ديه تخلص بسرعة, وفضلنا نقولهم تحت المزانية ديه مش هنقدر نعمل اللي انتم عايزينه. و بعد 2 مليون دولار, Microsoft قالت يلا نقلل الخسائر.
في فبراير اللي فات, كان في اشاعة إن Darkside Studios تم قفلها نهائيا بعد الغاء Phantom Dust, ولكن حسب Kotaku فان ملاك الستوديو كلموا بعض الفنانين و المبرمجين عشان يشتغلوا على مشروع صغير.
Phil Spencer رئيس Xbox قال إن Microsoft لسة مرتبطة بـPhantom Dust, ولكن المصادر اللي Kotaku اتكلموا معاها قالوا انهم هيبقوا مصدومين جدا لو في خطةt
