المفروض من بعد ما شوفنا اول عرض لـStar wars Battlefront و اللي ممكن تشوفوه من هنا , ظهرت كمية معلومات بخصوص اللعبة بشكل مؤكد.
المفروض ان اللعبة هتقدم نفس الشكل من المعارك اللي كنا بنشوفها في الثلاثية الاصلية من افلام Star Wars و هتدعم 40 شخص بيلعبوا في الماتش الواحد 20 ضد 20 و في دعم للـSplit Screen سواء كان online او علي نفس الجهاز.
اللعبة مش هتقدم قصة تماما و هتعتمد علي انها تقدم محتوي للـMultiplayer بمهمات متعددة بشكل اكبر.
الفرق اللي هتكون في اللعبة هما Rebels او المتمردين و الـGalactic Empire و لكل فريق في كل معركة سيناريوهات مختلفة بينفذها.
اللعبة بالطبع هيكون فيها مركبات مختلفة و من الافلام زي Walker Assault و AT-ATs و AT-STs وX-wings و TIE fighters و Speeder bikes و برضو سفينة Millennium Falcon موجودة بس للاسف اللعبة مش هيكون فيها معارك خارج نطاق الكواكب دي في الفضاء.
من ضمن الكواكب المؤكد وحودها في اللعبة هما Tatooine, Hoth, Endor, Sullust و الكوكب الجديد Jakki اللي هيكون موجود في اللعبة علي هيئة اضافة مجانية بعد نزول فيلم Star Wars: The Force Awakens.
من اهم التفاصيل اللي اتقالت علي واحد من الكواكب و هو Sullust اللي يعتبر واحد من اقدم الكواكب في عالم Star Wars و اللي يعتبر ليه طبيعة بركانية لكن مظهرش في العرض الخاص باللعبة.
اللعبة هيكون فيها حاجة اسمها Hero System و اللي يخليك تتحكم بشخصية من شخصيات افلام Star Wars زي Darth Vader و Boba Fett.
و اخيرا بالنسبة للنواحي التقنية من اللعبة اللعبة هتكون علي البلاي ستيشن 4 و Xbox One شغالة علي 60FPS بدون توضيح لدقة عرض اللعبة.
اما العرض الاخير المفروض انه كان شغال علي الـPC لكن المفروض الكونسولز هتكون بنفس الجودة و لكن باعدادات اقل شوية.
اللعبة المفروض هتنزل يوم 17 نوفمبر 2015 علي PC و Playstation 4 و Xbox One
