Amazon بتأكد تاني إنها جدية جدا في محاولة دخول عالم الألعاب, حتى لو لسة مفيش أي مشاريع ضخمة منهم لسة.
Amazon كشفت عن حاجتين النهاردة, مركزين على تطوير اللعب.
أول حاجة هو محرك ألعاب 3d اسمه Lumberyard. المحرك قادر على تطوير لعب على PC, Consoles و Mobiles.
المحرك مبني على CryEngine, و تكنولوجيا خاصة بـDouble Helix مطوري Killer Instinct و AWS Code خاص بـAmazon, وبيدعم المطورين اللي بيبحثوا على تطوير ألعاب Multiplayer/اجتماعية.
Lumberyard متوفر مجانا, ومش محتاج أي نوع من أنواع الأشتراك أو مشاركة أرباح.
Amazon Gamelift هو تاني حاجة تم الاعلان عنها. الخدمة ديه مبنية على Amazon Web Services و بتسمح للمطورين انهم يصنعوا Multiplayer Games بمساعدة Lumberyard.
Lumberyard بيدعم Twitch بشكل كامل, وده هدفه من اجل المطورين اللي عايزين يخلوا اللعب الخاصة بيهم مشهورة جدا في Twitch Plays.
حاليا Lumberyard بيدعم PC, PS4 و Xbox One. في الشهور المقبلة, هيتم تحديثه من أجل دعم الموبيل و VR.
Lumberyard في مرحلة البيتا حاليا و ممكن تنزله من هنا.
