من الواضح جدا إن Nvidia هدفها هو السوق الـHigh-end عن طريق GTX 1070 و GTX 1080, كلاهما بيقدم مستوى أعلى من Titan X و ارخص بكتير. رد AMD كان إن كروت Polaris 10/11 مش هتبقى منافس مباشر لـNvidia, ولكن بدل كده AMD بتوجه اهتمامها للسوق المتوسط.
ديه التفاصيل المتاحة حاليا عن الكارت. و من اللي واضح نسخة الـ4GB هتبقى متوفرة بـ199$ و 8GB ممكن تبقى بـ219$ أو 250$ كحد اقصى.
اهم حاجة في موضوع ده حاليا هو TFLOPS, حسب التفاصيل المتاحة فـ الكارت بيوصل لاكتر من 5 TFLOPS. قريب من R9 390, و بسعر أقل و استهلاك اقل بكتير 150watt. وأيضًا رقم 5 ده مش نهائي, AMD ممكن توصل الكارت لـ5.1 أو 5.9.
RX 4870 هيدعم DisplayPort 1.3 / 1.4 HDR, و ديه تعتبر خطوة قدام من DP 1.2 اللي كان متاح في المنتجات الحالية. RX 480 هيدعم VR.
الصورة الأكبر هنا, هي إن الناس كان نفسها تشوف Polaris Chips الخاصة بـAMD بتنافس Pascal Chips الخاصة بـNvidia. ولكن بدل تحسين المستوى بشكل كامل, AMD بتتجه لاتجاه يحترم برضه و هو التوفر وفكرة إن المنتج يبقى متاح لسوق اكبر بكتير من سوق الـHigh End.