فاكرين لما كان Assassin’s Creed 2 مفاجاة بالنسبة للسلسلة محدش كان يتوقعها و قدمت تطوير اكبر بمراحل عن اللي شوفناه في الجزء الاول؟؟
يظهر ان Ubisoft بتحاول انها تقدم تاني نفس النقلة لان مخرج اللعبة Alex Amancio في مقابلة معاه قال ان اللعبة هتعتبر نقطة تحول و بداية جديدة لطريقة عرض القصة , و قال ان الناس ممكن تكون شافت تطور بسيط في Black Flag لكن الهدف من Unity هو انها تكون بداية لدورة حياة جديدة للسلسلة. و ختم كلامه بانه متاكد انها هتبقي افضل اجزاء السلسلة.
Assassin’s Creed Unity هتنزل في 28 اكتوبر اللي جي علي بلاي ستيشن 4 و Xbox oneو PC.
