المطور Firaxis اعلن ان لعبة Civilization: Beyond Earth هيكون ليها اضافة ضخمة او Expansion Pack بأسم Rising Tide.
الاضافة هتكون مركزة بشكل كبير علي فكرة المنشاءات البحرية اللي هتخلي اللاعب يقدر يوصل لموارد مختفية في اعماق المحيطات علي بعض الكواكب و هيضيف تغييرات للاماكن و الاختيارات الديبلوماسية المتاحة في اللعبة.
المفروض ان الاضافة هتغير بشكل كبير من تجربة و اسلوب اللعب و هيضيف اكتر لقصة و عالم Beyond Earth و هيبقي تعريف بتاريخ العالم ده برة الحدود اللي فرضها الاصدار الاساسي و هيكون في فرق جديدة و وحدات و Artifact System يفتحلك مميزات مختلفة و biomes جديدة للعبة من ضمنها واحدة اسمها Primordial world اللي هتقدم بيئة بنشاط بركاني.
الاضافة هتكون متاحة في الخريف بسعر 30 دولار.
