عرض Deus Ex: Mankind Divided الجديد هو عرض Live Action و بيعرض إزاي البشرية في المستقبل منقسمة على فكرة زيادة الـAugmentation/التحسين البشري. العرض بعد 15 سنة في المستقبل, و الوقت ده اصبح طبيعي للناس إنها تزود نفسها بأطراف صناعية. ولكن بعد الحادثة المسمى بـ”Aug Incident”, اللي فيها البشر المزودين بأطراف تم تهكيرهم و تحويلهم لناس عنيفة جدا, بسبب كده تم انقسام المجتمع لنصين.
العروض الـLive Action في معظم الوقت بتبقى مش قد كده و مش مقنعة ولكن صراحة العرض ده أظهر العكس و لازم يتشاف. خلال العرض إنت بتشوف إزاي البشرية تطورت في عالم اللعبة و إيه سبب التوتر اللي حصل ما بين الناس على التطور ده.
اللعبة هتنزل يوم 23 أغسطس القادم على PS4, Xbox One و PC.
