DOOM الجديدة او DOOM 4 كان معلن عن بداية تطويرها من 2008 و المفروض اتعرضت لمشاكل ادت ان Bethesda قررت تعيد تطويرها من الصفر. لكن ايه هي المشاكل دي ؟؟
Pete Hines نائب مدير Bethesda في مقابلة مع Polygon قال ان تطوير DOOM 4 تم اعادته بسبب ان في مرحلة معينة من التطوير اللعبة فقدت صلتها بالاجزاء القديمة و بقت نسخة من العاب Shooters معتادة و لمح من خلال كلامه انها وصلت لنسخة من Call of Duty لما قال انهم كان احسنلهم يسموها Call of Doom او BattleDoom. فا للسبب دا تم اتخاذ قرار اعادة تطوير اللعبة من الصفر لان اللعبة للاسف كانت بتقدم حالة من عدم الاتصال بين مميزاتها و اعتماد كبير علي استخدام اي ساتر لحماية نفسك و مقدمتش التجربة المعتادة و المتوقعة من سلسلة زي DOOM و هي الدخول في مواجهات دموية مباشرة مع اعدائك اكتر من اي لعبة تانية.
الجزء الجديد او اعادة انطلاق السلسلة هينزل في خلال سنة 2016 علي Playstation 4و Xbox One و PC.
