Bethesda و مطوري اللعبة ستوديو Arkane كشف عن أول Gameplay خاص باللعبة و تفاصيل عنها.
Harvey Smith, مخرج ستوديو Arkane, تحدث عن اللعبة خلال مؤتمر بتهسدة في E3 و نشر تفاصيل كتير عن اللعبة اللي فوق الرائعة و بتستخدم Engine جديد اسمه Void Engine تم تطويره بالكامل من اجل Dishonored 2.
احداث اللعبة بعد 15 سنة من الجزء الأول, وبطلة اللعبة هي Emily Kaldwin, الامبراطورة اللي مسروق منها حكمها وهي في مهمة عشان توصل لمين وراء عزلها من Dunwall.
هتقدر في اللعبة إنك يا تلعب بـEmily يا Corvo بطل الجزء اللي فات.
Smith ناقش عدة مواضيع زي اعدادات اللعبة في مدينة Carnaca, أو جوهرة الجنوب, و الاتجاه الفني اللي في اللعبة, و الطقس المتغير اللي بيحصل خلال اللعبة, و الـStealth و Combat.
Arkane عايزين بيئة اللعبة تبقى كاملة و متماسكة, الستوديو عايز كل سوق في اللعبة و كل شارع يحكي قصة. الستوديو عايز يستكشف تاريخ مدنية Dunwall و مدينة Carnaca. الستوديو فعلا مهتم جدا بالتفاصيل في الجزء ده.
تم الكشف أيضًا عن منطقة The Dust, خلال المنطقة ديه في أي وقت ممكن يحصل عاصفة ترابية. اللاعبين هيتم تشجيعهم لاستخدام المساحة العمودية و الأسطح.
قوات Emily تم عرضها; بتسمح ليها انقى تركز على عدو في نقطة معينة و تتسلل بدون ما يتم كشفها. و عندها حاجة زي Blink Grapple كده وديه بتسمح لها إنها تسحب أعدائها و أي شيء من على بعد و قوى اسمها Domino و ديه بتربط مصير كذا عدو, و ده بيعطي اللاعب القدرة على انه يـStun أو يـMulti-Kill. كل قوات Emily هتقدر إنك تعليها عن طريق Skill Tree. بشكل مختصر كل قوات Emily فريدة من نوعها جدا و احنا أول مرة نشوفها و مش عبارة عن قوات قريبة من اللي كانوا موجودين الجزء السابق.
Smith أكد إن الـDNA الخاص بـDishonored هو الاستكشاف و الاختيارات المتعددة. في اللعبة كل مهمة ليها كذا حل و كذا طريق, و تعدد القوات بيدي اللاعب فرصة انه ينهي اللعبة بـ أي طريقة هو يحبها.
Dishonored 2 هتنزل يوم 11 نوفمبر على PC, Xbox One, و PS4.
