أخبار و مراجعات ألعاب الفيديو

تفاصيل اكتر عن الأقتصاد الخاص بـNo Man’s Sky

SHARE
, / 225

Hello Games نشروا تفاصيل أكتر عن إزاي هيبقى في تبادل تجاري, صناعة وشراء في لعبتهم القادمة No Man’s Sky.

Sean Murray في مقابلة مع IGN وضح إن التجارة و الصناعة في اللعبة هتبقى زي ما اللاعب هيختار إزاي يتفاعل مع الاقتصاد الخاص باللعبة.

كمثال, لو عايز تروح كوكب وتجمع عناصر معينة, وتصنع منهم حاجة وبعد كده تبيعهم في ميناء فضائية ممكن تعمل كده. عشان تصنع لازم اللاعب يكتشف كذا عنصر كميائي على كواكب ويجمعهم, وبعد دقة يكتشف إزاي يمزجهم.

Murray قال إن Hello Games مش هتدي أي Formula للاعبين, لازم اللاعب هو اللي يكتشفهم.

لكن لو مش عايز تنزل أي كوكب وعايز تفضل تلف في الفضاء, ممكن برضه تعمل فلوس. Murray وضح إن في سوق حرة في اللعبة, بمعنى إن لكل حاجة في اللعبة سعر متغير في كذا منياء فضائية. ده بيسمح للاعبين انهم يشتروا حاجة في سوق ويسافروا سوق تاني ويبعوها بتمن أعلى.

اقتصاد اللعبة برضه بيشتغل من غير تدخل اللاعب. شخصيات بيتحكم بيها AI بتسافر ما بين كواكب و المواني, وبتجيب معاها مواد وتاجر فيها. Murray قال إن واحدة من افضل مزايا اللعبة بالنسبة ليه هي انه يفضل في الفضاء ويتفرج على التجارة واقتصاد اللعبة وهو شغال حواليه.

No Man’s Sky مفروض هتنزل سنة ديه على PlayStation 4 و PC.