أخبار و مراجعات ألعاب الفيديو

الاعلان بشكل رسمي عن لعبة Project Cars 2 و دعمها بشكل كامل للواقع الافتراضي

SHARE
, / 235
الاعلان بشكل رسمي عن لعبة Project Cars 2 و دعمها بشكل كامل للواقع الافتراضي

اعلنت Bandai Namco عن الجزء الجديد الخاص بلعبة Project Cars  و كانت في تلميحات عليه في شهر يناير و كل التلميحات دي طلعت صحيحة بعد ما اعلنوا عن فيديو دعائي للعبة اقل ما يقال علية انة مثير جدا و كان مبهر جدا في الاضاءة و الجرافيكس و اللقطات المستخدمة كانت من داخل محرك اللعبة , و تم الاعلان ان هيتم اصدارها في اخر 2017 من غير تحديد شهر معين و هتكون لجميع المنصات Playstation 4 و Xbox One و PC .

و ظهرت بعض المعلومات الي تخص اللعبة بانها هتحتوي علي اكتر من 170 سيارة متاحة للعب و اكتر من 60 حلقة سباق للتنافس من خلالهم و هيكون طور لعب جماعي خاص بالبطولات و هيكون في سباقات في ظروف بيئية مختلفة زي بيئة ثلجية و بيئة صحراوية و بيئة طينية , و من اكتر المعلومات المهمة هي ان هيكون في اهتمام كبير اوي بتطوير الفيزيائية الخاصة بالسيارات و ان اللعبة هتكون بتدعم جودة الـ12K و الي هتكون من خلال عرضها علي ثلاث شاشات بجودة الـ4k و الي هيعرض اللعبة بالشكل البانورامي و هو عرض اللعبة علي ثلاث شاشات مستقلين و لكنهم بجانب بعض و كانهم شاشة واحدة , و الموضوع دة يعتبر خطوة الي الامام لكل عشاق العاب السيارات لان من خلالها بتوفر اكبر قدر من الواقعية للاعب و كانة بيقود سيارة حقيقية .

و كان في تصريح لـStephen Viljoen مخرج لعبة Project Cars 2 ” هدفنا هو اننا نعمل لعبة تكون اقرب حاجة للواقع ” و اضاف ” الواقعية هي النقطة الاساسية الي مركزين عليها في لعبة Project Cars 2 , و احنا هنستعين بافضل سائقين محترفين و مطورين و ممثلين و الاصوات لتطوير اللعبة و الي هتوفر رحلة لا نهائية للاعبين ” .