حسب آخر تقرير احنا قمنا بنشره هنا على الموقع عن مستقبل Xbox و احتمالية وجود اتنين Xbox One تحت — للمزيد عن التقرير ده من هنا — في التقرير كان في كلام من واحد من مصادر عن احتمالية وجود أجزاء Halo القادمة على Windows 10.
حسب مصدر Kotaku
الجهازين دول عبارة عن جزء من ستراتيجية ضخمة خاصة بـ مايكروسوفت, الستراتيجية اسمها السري هو “Project Helix”, عشان مايكروسوفت تقدر إنها تجمع ما بين Windows و Xbox. بقالنا فترة بنسمع مايكروسوفت بكل وضوح عن إزاي هم عايزين الـBrands الضخمة ديه تشتغل مع بعض, واعلنوا إن حصريات زي Halo Wars 2 وSea of Thieves على Xbox One وPC. مصادر من مطوري اللعب قالوا إن تفويض مايكروسوفت الجديد هو اصدار لعبهم المستقبلية – بما فيهم سلسلة Halo – على الجهازين. Fable Legends كانت من المفترض إنها هتبقى أول لعبة تطبق الستراتيجية ديه لولا الغاءها.
طبعا ظهور حاجة زي كده حاليا هو شيء طبيعي و ده بعد سلسلة من التأكيدات من مايكروسوفت إن حصريات كتير هتبقى متوفرة على PC. معظم اللعب اللي بيتم نشرها من قبل Microsoft Game Studios هتنزل على Windows 10 و Xbox One, باستثناء Gears of War 4 *اللي محتمل إنها تبقى متوفرة على الـPC و بشدة* و Crackdown 3.
الأسبوع اللي فات, 343 Industries أعلنوا إن Forge الخاص بـHalo 5: Guardians هيبقى متوفر مجانا على Windows 10. و بعدها علطول جماهير الـPC اشتكوا عن فكرة عدم حصولهم عن اللعبة الكاملة, ولكن 343i مطوري اللعبة لمحوا إن مستقبل السلسلة هيتضمن Windows 10 و إن ديه مجرد البداية مش أكتر.
ممكن نعرف حاجة ما بين E3 2016 و Gamescom 2016, و ده بسبب إن دايما الجزء اللي بعد Halo بيتم الكشف عنه خلال E3, فـ ممكن نشوف الجزء القادم من Halo و تفاصيل بسيطة عنه.
