دعم Star Wars Battlefront 1 الحالي تم وقفه وده بسبب إن فريق التطوير بقى كل تركزيه على لعبة Star Wars القادمة.
حسب EA DICE فـ مفيش مخطط لمحتوى Skirmish جديد.
لعبة Star Wars القادمة هي Battlefront 2 و هتنزل الخريف ده وهتقدم single-player campaign وأيضًا اللعبة هتقع في عصور Star Wars المتعددة.
الجزء القادم من Star Wars Battlefront هيبقى اكبر, و هياخد اللاعبين لأماكن أكتر, و هيسمح انهم يلعبوا بـ أبطال وشخصيات أكتر من عصور Star Wars المتعددة.
ده كان كلام Andrew Wilson رئيس EA خلال مقابلة EA مع المستثمرين.
هيبقى في طرق جديدة في اللعب, زي single-player campaign والمزيد من الحاجات اللي هنشاركها مع اللاعبين في الشهور القادمة.
Wilson أكد في آخر الأجتماع إن الجزء القادم هيبقى ضخم.
الجزء الأول كان ناجح جدا. استقبال اللاعبين كان كويس جدا و الكتير شافوا إن ده حقق Fantasies خاصة بيهم في عالم Star Wars بشكل غير متخيل. ولكن اللعبة ديه كانت حاجة الناس عايزين منها أكتر, عمق ومحتوى أكتر.
الجزء القادم, تاني, هيبقى في أماكن أكتر, Game modes أكتر, عصور أكتر, هيحتوي على Single-player Campaign و ده شيء رائع جدا. فـ احنا عندنا سبب إن احنا نؤمن إن هو ده اللي ناس نفسها فيه..
EA قدرت تحقق كل ده في Star Wars Battlefront 2 بسبب إنها منتج ثلاثة ستوديوهات وهم DICE, Motive و Criterion. السنة ديه هتبقى ضخمة جدا لجماهير Star Wars خاصة بـ اصدار الجزء التامن من السلسة The Last Jedi في ديسمبر القادم.
