زي ما اتوعدنا من ايام Far Cry Primal اتعرض فيديو جديد ليها في The Game Awards و العرض جه بعرض فكرة جديدة و هي تربية الحيوانات المفترسة و استخدامها في المواجهات في اللعبة زي نمور الـSabretooth.
الموضوع زي ما كان متوقع قريب من مراحل shangri la بعض الشئ و الحيوانات المتاحة في اللعبة منها افيال الماموث و الدببة و الطيور و مرور اللاعب بمرحلة محاولة استئناث الكائنات دي و احتواء خطرها.
في معلومات اكتر طلعت عن اللعبة انها من حيث الحجم و المحتوي هتكون قد Far Cry 4 و هتكون تجربة لعب فردي فقط مفيش اي اضافات Multiplayer و في مجموعة فيديوهات من اللعبة بتوضح الجيمبلاي بشكل اكبر.
