تم عرض فيديو جديد للعبة The Surge عن طريق الناشر Focus Home Interactive و اللعبة من تحت تطوير ستوديو Deck13 و هم نفس الاستوديو الي قام بتطوير لعبة Lord of The Fallen , و لعبة The Surge هي لعبة خيال علمي بنظام الـRPG و اللعبة شبيه في نظام لعبة Lord of The Fallen و العاب souls.
فيديو اللعبة كان بيتعرض من خلالة جيم بلاي للعبة في 14 دقيقة من خلال المصمم الخاص بالاستوديو و هو Adam Hetenyi , و الي كان فية عرض لعالم اللعبة و جوها المظلم و اعتماد اللعبة علي اختيارات اللاعبين و الي بتحدد مسار القصة , و قال ان لعبة The Surge هيكون ليها اسلوبها الخاص في مواجه الكائنات الموجودة في اللعبة و هي من خلال ادوات بتقوم بتصنيعها و بتستغلها في مهاجمة نقاط الضعف الموجودة في الوحوش و امكانية مهاجمة اماكنهم الضعيفة و تدميرها لشل حركاته للقضاء علية و جمع الغنائم و استغلالها في رحلتك في اللعبة , و اضاف ان اسلوب القتال فيها هيكون له ما يميزة عن الي عرضوه او عملوه قبل كدة .
و اللعبة مخططلها الاصدار في شهر مايو 2017 و هتكون علي اجهزة PS4 و داعمة للـPs4 Pro و Xbox One و PC .
