أخبار و مراجعات ألعاب الفيديو

فيديو جيمبلاي جديد للعبة The Surge بيتسعرض المواجهات بشكل اكبر

SHARE
, / 283
فيديو جيمبلاي جديد للعبة The Surge بيتسعرض المواجهات بشكل اكبر

اصدر ستوديو Deck 13 فيديو جيمبلاي  للعبته الجديدة The Surge اللي تعتبر لعبة شبيه بسلسلة Souls لكن بأتجاه مختلف بكونها لعبة خيال علمي.

و الفيديو  بيظهر من خلاله تنوع الجيم بلاي ونظام القتال اللي بيعتمد علي تقطيع الاطراف وبعض من الاعداء عديمي الرحمة اللي هتقابلهم. كان واضح في الفيديو ان الاعداء في البداية بيكون فيه سهولة إلي حد ما في التغلب عليهم وقتلهم لكن بعد كدة بنلاحظ نوعية من الاعداء اللي هتجد صعوبة في توقع تحركاتهم وطريقة هجومهم عليك.

اللعبة بتتمحور حول تجارب سرية ادت لوجود آلات قتل من خلال النانوتكنولوجي متطورة للحفاظ علي الامن في مناطق عدائية يصعب علي قوات بشرية التدخل فيها ولذلك اي نوع من التردد او الخطوات الغير محسوبة هتعني بكل تأكيد  موتك بشكل مشابه لاسلوب لعب سلسلة Souls.

الاعداء اللي هتقابلهم بيتمتعوا بمهارات قتالية عالية جدا ومزودين بأعلي المعدات لضمان كفائتهم في المعارك. واللعبة بتديك خيارين اثناء القتال اما القضاء علي خصمك تماما او في حالة لو عايز تزود من قدارتك القتالية وتاخد معداتهم وتضيفها لترسانتك واستخدامها بنفسك وهنا بتضطر انك تركز ضرباتك علي الدرع بتاعهم ودا بيخلي مهمتك اصعب طبعا لانك مش بس بتحاول تقضي علي عدوك لا بتحاول كمان متدمرش اجزاء منه لاستخدامها بشكل نافع ليك بعد كدة. لازم توازن بين اولا اهمية بقائك علي قيد الحياة وثانيا ضرورة المخاطرة وجمع عدد كافي من المعدات القتالية اللي هتقدر تواجه بيها الاعداء لان مستوي الصعوبة خلال اللعبة هيكون بشكل تدريجي.

اللعبة مقرر اصدارها علي Playstation 4 و Xbox One و PC سنة 2017.