Tim Sweeney مدير Epic Games كان سبق هاجم سياسات Microsoft من ناحية منصة UWP الخاصة بـWindows 10 و وصفها بانها بتحول الـPC Gaming لشئ محتكر لـMicrosoft, و علي رغم نفي Microsoft لاي اجرائات من النوع دا لكن Tim رجع من جديد بهجوم اجدد علي الشركة.
من خلال مقابلة مع Edge Magazine صرح ان التحديثات الاخيرة لـWindows 10 بتعطل اداء منصات الطرف التالت الخاصة بالالعاب و اهمهم Steam طبعا, الموضوع اساسه ان تطوير اي برمجيات علي نظام تشغيل Windows بيتم واجهة تطوير محددة و هي Win32 و من خلال Windows 10 الشركة بتقدم منصة تطوير جديدة بتحاول تقنع المطورين بالاتجاه ليها و نبذ Win32 و تعطيل البرمجيات المتاحة من خلاله و علي سبيل المثال Steam و الالعاب الصادرة عليه, و مع مرور 5 سنين مثلا هيتم تحديث Windows 10 لدعم اكبر و اكتر لـUWP و شل حركة Steam من خلال عدم وجود دعم كافي لواجهة التطوير التابع ليها و هي Win32 مما يتسبب في مشاكل و اخطاء تقنية.
طبعا للحظة دي Microsoft مصدرش منها اي رد رسمي بخصوص اتهامات Tim Sweeney.
