أخبار و مراجعات ألعاب الفيديو

تفاصيل جديدة عن قصة Watch Dogs 2 و احتمالية ظهور Aiden Pearce

SHARE
, / 156
تفاصيل جديدة عن قصة Watch Dogs 2 و احتمالية ظهور Aiden Pearce

Watch Dogs 2, الجزء التاني في سلسلة Watch Dogs هتنزل في الشهر القادم, و ناشري اللعبة جلسوا في سؤال و جواب منظم من حساب الـTwitter الخاص باللعبة, و Lucien Soulban كاتب القصة كشف عن تفاصيل مثيرة جدا عن قصة اللعبة و محتوى الـGameplay.

واحدة من أكبر مشاكل لعب العالم المفتوح هي إن المحتوى الجانبي مابيقاش ليه علاقة بالمحتوى الأساسي و القصة, ولكن يبدو إن Watch Dogs 2 مش هتعاني من المشكلة ديه. حسب Soulban, المهمات الجانبية في Watch Dogs 2 هتساهم دائما في القصة الأساسية, و هتقدم تفاصيل اضافية عن الشخصيات, الأماكن والمزيد. تخليص المهمات ديه هيضيف على القصة و يخليها أمتع.

أيضًا Soulban تحدث عن إزاي هو شايف إن القصة اتحسنت عن الجزء اللي فات. في الجزء التاني, الفريق ركز على تفاعلات Marcus مع باقي المجموعة عشان يبقى في أحساس أكبر بالعائلة والمجتمع و استعراض قوة الترابط. أيضًا Soulban قال إن قصص الأنتقام, زي الجزء الأول, بتحتاج إن الكاتب يقدم الشخص اللي بيموت بشكل ممتاز عشان الناس تتفاعل مع القصة أكتر, وديه حاجة كان فريق العمل في الجزء الأول فشل فيها.

أيضًا Soulban كشف إن نظام السمعة/notoriety مش هيرجع في Watch Dogs 2 و ده بسبب إن Marcus هو شخص غير معروف, مقارنة بـAiden من اللعبة السابقة, فـ مش منطقي إن النظام يبقى موجود.

آخر حاجة, يبدو إن في فرصة بسيطة إن Aiden Pearce يظهر في Watch Dogs 2, حسب Soulban فـ في فرصة إن احنا نشوف حاجة من الماضي دائما.

Watch_Dogs 2 هتنزل 15 نوفمبر على PC, PlayStation 4 و Xbox One.