معظمنا متعود على العاب السباق, ولكن كام واحد لعب لعبة سباقات عربيات اللعبة ديه بعجلتين بس؟ MotoGP14 هي محاكي دراجات نارية. ونزلت على كام جهاز و PC. احنا عملنا الـReview ده على PlayStation 4.
لو إنت عندك معرفة مع الكام جزء الفاتوا من اللعبة هتشوف كام حاجة قريبة من الأجزاء الفاتت, كلهم ظاهرين بشكل جماعي في قائمة شكلها جميل جدا شغالة على أساس إنها Homepage للعبة. وأنا بعتقد إن ديه خطوة ممتازة إنك تنظم الحاجات كده.
أول ماتبدأ اللعبة, هتبدأ في Moto3 League, وده هيعلم أساسيات اللعبة وأول ماتخلصها بنجاح, هتخش الـLeague البعديه. اللعبة تتكون من 3 Tiers *اطارات*: Moto3, Moto2 و MotoGP.
الـGameplay ممكن يبان انه صعب, ولكن لحسن الحظ, إنت ممكن تشغل االمساعدات الاختيارية. ABS ممكن تشغله عشان يسعدك تتحكم بقبضة الدراجة. إنت ممكن برضه تعدل المساعدات ديه لو عايز تحدي اصعب. كل ما تقلل في استخدام نظام الـABS, كل ما اللعبة هتبقى واقعية وامتع أكتر.
دراجتك ممكن تعليها في مناطق معينة عن طريق بحث إنت بتعمله. عشان تعمل البحث ده, كل اللي عليك إنك تخلص لفة واحدة في جلسة واحدة عشان تفتح نقطة بحث ودي بتصرفها على بحث عن مكان معين لظبط النقل الخاص بدرجتك مثلا.
ميزة تانية في اللعبة هي Challenge Mode. في طور التحدي ده كل اللي عليك إنك تخلص كام هدف عشان تعيد كتابة التاريخ. ميزة تانية. هي Split-Screen Multiplayer Mode. الطور ده شغال بطريقة ممتازة وبيحافظ على الـGraphics ومش بتقل خالص وبتبقى نفس الـGraphics اللي بتشوفها في Single Player Mode.
الـGraphics شكلها غريب شوية. الدراجات شكلها جميل جدا ولامع ولكن الطبيعة شكلها مش كده. الجماهير شكلها 2D وعبارة عن تماثيل في معظم الوقت, فين وفين لما بيتحركوا أصلا. أنا توقعت إن ده هيبقى أحسن على PS4, ولكن لسوء الحظ المشكلة دي لسة موجودة.
السباقات كويسة جدا, النظام الخاص باللعبة كويس. الـGameplay كويس ولكن طبيعة اللعبة وحشة جدا. لو عايز لعبة كويسة في السباقات فـاللعبة دي بتاعتك ولازم تجيبها. لو الطبيعة اللي حواليك وحشة وبتأثر على متعتك في اللعبة فـأنا بقولك اللعبة دي مش ليك.
من رأي اللعبة بداية كويسة على الجيل الجديد وتستحق 8 من 10. هي محتاجة شوية تعديلات بس وهتبقى ممتازة, ولكن ديه أول لعبة سباقات كويسة جدا على PlayStation 4
