The Evil Within من يوم نزولها و هي فيها حاجة اسمها Letterboxes او Black Bars و هي ببساطة الخط الاسود اللي فوق و تحت الشاشة و اللي بتخلي اللعبة معروضة كانها فيلم بابعاد 2:35:1.
بعض المطورين بيستعينوا بالفكرة دي لاضافة احساس سينمائي للعبة و حصل نفس الكلام مع The Order 1886 لكن مع The Evil Within الموضوع كان مختلف بسبب نزولها علي جميع المنصات بما فيهم الـPC اللي سمح من خلال بعض التعديلات علي ملفات اللعبة علي ازالة الـBlack Bars دي.
مؤخرا Bethesda نزلوا تحديث للعبة بيخلي حاجة زي كده اختيارية حسب رغبتك الشخصة و دا علي كل الاجهزة اللي نزل ليها اللعبة دا بالاضافة لتحديث نزل قبل كده خلي اللعبة تقدر علي الـPC تشتغل علي اعلي من 30FPS.
