فيديو جديد للعبة bloodborne تم نشره على موقع ign كجزء من تغطيتهم للعبة اللي هتستمر لمدة شهر, الفيديو ركز بالتحديد على الوحوش اللي هنحاربها في اللعبة والـmini-bosses الفيديو بيورينا مجموعة من الوحش اللي هتقابلهم في اللعبة في منهم اللي ممكن تعتبره هجين ما بين كلب أو ذئب وفار ضخم, وفران ضخمة وغير كده أشكال مختلفة ومتنوعة لولاد عم grim reaper.
المميز في الفيديو إنه بيوري قد إيه شكل اللعبة اتغير وبينقلك فعلا احساس المكان المصاب بطاعون أو مرض لعين وإن كمان طريقة الليعب اتغيرت من تلتين ألف ضربة مظبوطين بعد فترة طويلة من الـblocking لفعلا لعبة بتعتمد أكتر على السرعة والخفة في الحركة و …… تلاتين الف ضربة بسرعة.
بس فيه تلات حاجات هم اللي شده عيني عن الباقي وهو إن اللعبة بتاخد وقت أكتر عشان تقتلك هل ده معنى إن هي هتبقى أسهل؟ وهل ديه حاجة هما قصدينها عشان نشوف بعد مانلعب كتير هنوصل لي إيه. تاني حاجة هي روعة الخيال المريض اللي انبزال في رسم الوحوش والمباني والتفاصيل اللي حواليك وتالت حاجة الأسلحة الجديدة اللي منها كرباج وطبعا شكل ال(منجل) scythe المختلفة اللي شفناها من بدري.
