أخبار و مراجعات ألعاب الفيديو

مخرج لعبة Final Fantasy XV يؤكد علي الاداء النهائي للعبة

SHARE
, / 130
مخرج لعبة Final Fantasy XV يؤكد علي الاداء النهائي للعبة

في مقابلة مع Hajime Tabata  مخرج لعبة Final Fantasy XV من بث مباشر عن طريق الانترنت كشف فيها عن بعض المعلومات الي تخص لعبة Final Fantasy XV .

حيث انة صرح ان اللعبة هتكون شغالة بدقة 900p الي 1080p علي الـPS4 و دي بتختلف علي حسب الامكان الي موجودة في اللعبة و كشف بان الـXbox one هيكون ارقامة اقل من الـPS4 بحيث انها هتشتغل علي 765p الي 900p و هتكون اللعبة شغال بمعدل 30 اطار في الثانية علي الجهازين .

و صرح كمان بأن الفريق الي شغال علي اللعبة مهمته لم تنتهي عليها و انهم لحد دلوقتي شغالين عشان يخلوها شغالة بشكل مناسب و الحفاظ علي معدل الاطارات و ان ميكنش في سقوط فيها و ان الفريق هيفضل شغال لحد اصدارها و انهم كمان شغالين علي تحسين معدل الرسوم اكتر و تحسين شكل الاشجار و رؤية الاشياء من مسافات بعيدة .

و صرح بان اللعبة هيكون الجزء الاول منها متميز بحرية في عالم اللعبة المفتوح و لكن الجزء التاني من اللعبة هيكون خطي بشكل كبير , لكن بيقول ان الجزء الخاص بالعالم المفتوح هيكون كبير بما يكفي لللاعبين و بانة هيقوم بتقديم الخطة بشكل تدريجي للجزء التاني بعد ركوب القطار و بدا المهام الخطية .

و من المنتظر اصدار اللعبة في تاريخ 29 نوفمبر بعد ما تم تاجيلها و هتصدر علي اجهزة PS4 و Xbox one ولا يوجد معلومات حتى الان عن نسخة الPC .