من خلال تصريحات Hajime Tabata مخرج لعبة Final Fantasy XV لموقع dengeki الياباني وضح معلومات عن اللعبة من حيث الاضافات القادمة للعبة و جودة الجرافيكس في اللعبة و مستوى و اداء الـframe per seconds , و قال ان المستوى الرسومي للعبة هيكون معروض من خلال dynamic resolution بحيث انه هيوصل لحد 1080 كحد اقصى و قال انهم عملوا نظام ال dynamic resolution من اجل الحفاظ علي مستوى ثبات الفريمات .
و كمان طمن منتظري اللعبة بان مشكلة وقوع الفريمات في الديمو بانها مش هتكون موجودة في النسخة النهائية , و ان دة ظهر في نسخة الديمو لانة اتعمل بلا اهتمام شديد لانة اتعمل عشان يدخلوا الناس في جو اللعبة و يعرفوهم بأكبر شكل علي النظام القتالي و عرض الحيوانات و جودة الرسوم و الجو العام للعبة و ان كل الي شفناة فية مش هيبقا موجود في النسخة النهائية.
و كمان ان حتى الان اللعبة هتشتغل بنفس الجودة علي منصتين الPS4 و الXbox One و قال ان ممكن في النهاية يبقا في جهاز يشتغل بجودة اعلى بنسبة بسيطة عن الجهاز التاني و لكن كل دة لسة مطرحش و انهم هيحاول جاهدين انهم يخلو المنصتين بنفس المستوى .
و تتكلم علي اصدار اللعبة للـPC و وضح ان اللعبة مش هتنزل في نفس موعد اصدارها علي الكونسول و قال انها ممكن تتاخر شوية و انها هتكون شغالة بمستوى رسومي اعلى من باقي المنصات و لكن محددش معاد محدد لاصدارها علي الPC .
و قال ان هيكون في اضافات للعبة هتكون مجانية و بفلوس و انهم شغالين و مهتمين اوي بانهم يخلوا الناس يلعبوا اللعبة اكبر قدر ممكن و اوضح ان اللعبة هتكون متاحة للعب في معرض E3 القادم .
