شركة Sony نشرت منشور صحفي من خلاله عرضت التغييرات اللي هتكون في لعبة Horizon Zero Dawn مع استخدام الـPlaystation 4 Pro.
التغييرات يمكن سمعنا عن بعضها في مؤتمر الاعلان عن الجهاز في شهر سبتمبر اللي فات لكن في بعض التفاصيل الجديدة خصوصا اذا كنت هتستخدم الـPlaystation 4 Pro مع شاشة HDTV عادية.
اولا التغييرات الخاصة بالشاشات الـ4K بعضها معروف و هي الوصول لدقة عرض 2160p بأستخدام تقنية الـcheckerboard حسب وصفهم دقة العرض العالية من الممكن تخليك تلاحظ تفاصيل كتيرة علي بعد كيلومترات في عالم اللعبة و تفاصيل في ملابس Aloy بطل اللعبة حتي ان كانت الخياطة نفسها و تفاصيل في الشخصيات المتواجدين من حواليك.
تقنية الـHDR سبق و تم التأكيد علي تقديمها لتفاصيل عالية في الالوان في المناطق باضاءة منخفضة او عالية بحيث تكون متطابقة مع اللي تقدر العين البشرية تحس بيه.
لكن ايه اللي هيستفيد منه الشخص اللي هيستخدم تلفزيون HD عادي؟؟ الاستفادة اولا من استخدام الـ supersampling بحيث يتم ضغط دقة العرض من 2160p لـ1080p و بالطل دا بتكون الصورة اوضح و انقي و خصوصا ان الاطراف و الحواف من حواليك لاي شئ من شخصيات و وحوش و اماكن بتكون انعم و بدون اي تعرجات.
المميزات الاضافية هتكون كمان في دقة الضلال و فلاتر عرض الـTextures زي الـanisotropic filtering هيستفيد منها اي شخص يقدر يلعب اللعبة علي 1080p.
