لما موظف مهم بيمشي من شركة الشركة بتاخد اجرائات عشان تحمي نفسها من خسارة موظف مهم و ده عن طريق اتفاقيات تمنع الموظف ده من انه يشتغل في نفس المجال لفتره او انه ياخد معاه موظفين من الشركة بعد رحيله عنها.
لكن الواضح ان سياسات Konami المتخبطه كانت لصالح الـgamers لانهم مأخدوش الأجرائات دي مع Hideo Kojima, حيث انه اول ما ساب الشركه في ديسمبر 2015 في اقل من اسبوع اسس شركته الخاصة , و كان بالفعل اخد معاه موظفين كبار زي Yoji Shinkawa مصمم الشخصيات الرئيسي و دراع Kojiam اليمين تقريبا , و اخد المنتج Ken Ichiro Imaizumi , بجانب المساعدة الشخصية ليه Ayako و من فتره رئيس Konami EU السابق Kenji Hirano هو كمان انضم ليه, بالاضافة انه عين مواهب كتيره من الشركة في اخر فترة زي Masaki Saito و Jackie Tan كمصممين للجيمبلاي و Yasuhiro Kawakami مصمم للمقاطع السينمائية و Chihoko Uchiyama مصمم للشخصيات و Akio Sakamoto المخرج التقني لـFOX Engine.
