في اليابان التحديث رقم 3.0 للبلاي ستيشن 4 دخل في مرحلة البيتا و بيتم تجريبه من خلال عدد من الناس اللي قدموا علي تجربته.
و بعض المواقع اليابانية شاركت معلومات عن التحديث و ذكرت ان هيكون ليها تركيز كبير علي انتاج الفيديوهات و البث المباشر للـyoutube و مميزات تانية زي مشاركة فيديوهات قصيرة مدتها 10 ثواني علي Twitter.
بعض التغييرات هتكون شاملة واجهة المستخدم بالاضافة لخانة جديدة و هي Events و المفروض دي هتوجه المستخدمين لاحداث مهمة او عروض خاصة بالـPlaystation زي مثلا E3 او Gamescom في المستقبل. المفروض برضوا من ضمن الاضافات الجديدة هي Community ممكن تكون اشبه بالمجموعات او الـGroups علي موقع زي Facebook و من خلالها بيتم مشاركة و التفاعل بين الاعضاء.
التحديث هيجي بتغييرات صغيرة كتيرة لكن ممكن نقول هي دي التغييرات الاساسية لحد اللحظة دي و جدير بالذكر اخر تحديث ضخم قدمته Sony كان في مارس اللي فات و مفيش اي معلومات عن معاد نزول التحديث الجديد او حتي معلومات رسمية عنه.
