حاليا معروف إن Quantic Dream شغالين على لعبة حصرية أو أكتر على PS4 بالتعاون مع Sony Worldwide Studios, بس السؤال هنا من امتى بالظبط؟
حسب حساب Guillaume de Fondaumière الرئيس التنفيذي و المنتج التنفيذي على Linkedin, فهما شغالين على الجهاز من فترة كبيرة جدا, ده في الحقيقة Fondaumière كاتب انه عنده خبرة في PS4 من 2011.
وده معناه إن الستوديو شغال على جهاز Sony الجديد من 3 او 4 سنين كده.
و حسابه برضه بيأكد إن في أكتر من لعبة حصرية على PS4 تحت التطوير حاليا. كاتب على حسابه انه شغال حاليا على مشروع غير معلن عنه على PlayStation 4, بالتعاون مع Sony Computer Entertainment WWS.
احنا طبعا منعرفش طبيعة المشاريع دي إيه, بس في إشاعة إن ممكن يكون في Remake لـBeyond: Two Souls. وطبعا بما إنهم شغالين على الجهاز بقالهم على الاقل تلت سنين فـده معناه إن احنا هنسمع عن اللعب بتاعتهم قريب.
