خلال محادثة Take Two مع المستثمرين, كان في اسئلة كتير خاصة بـ Red Dead Redemption 2 و رئيس الشركة Strauss Zelnick لم يرد على معظهم, وقال إن كلعادة أي اعلان بيبقى من Rockstar نفسها.
ولكن هو أكد كام نقطة, أول حاجة هي إن الجزء الاول من اللعبة باع 8.5 مليون نسخة في العام الاول, وبعدها وصلت لـ15 مليون ككل. ورفض انه ينشر الأرقام المتوقعة بمبيعات الجزء التاني, ولكن هو متحمس جدا لقدرة اللعبة على إنها تقدر تبيع كويس جدا و إن الـOnline mode يحقق تفاعلات وأرباح مع الوقت.
من الواضح جدا إن احنا متحمسين بالجزء الجديد. مش بس Red Dead Redemption 2. ولكن الـOnline الخاص بيها, Rockstar هتتكلم أكتر عن الموضوع ده, ولكن هو من الواضح إن في ترقب شديد بالجزء ده من اللعبة من المستهلكين واحنا.
Zelnick أيضًا ناقش دعم الشركة لـRDR 2 من ناحية التسويق و أكد انهم بيدعموا كل لعبهم بشكل ضخم و إن الشركة فخورة بفريق التسويق الخاص بيها و الدعم الموفر لكل لعبهم.
أيضًا خلال المحادثة, Zelnick تم سؤاله إيه المحتمل إن GTA Online و RDR 2 Online يحققوا للـ لاعب.
أنا بحب اقول إن الترفيه هو حيوان غير طبيعي, في سوق الترفيه إنت مش لازم تنافس بشكل مباشر مع ملكية ترفيهية تانية. الترفيه هو حاجة عندك, ولكن مش لازم تبقى بتملكها. لو مفيش حاجة في السوق عجباك, مش لازم تروح وتجيبها, ولو في كذا حاجة عجباك, في مستهلكين بيشتروا كل اللي عاجبهم.
فـ أنا بعتقد إن مفيش ديناميكية تنافسية لأي لعبة قادمة من الشركة, غير الجزء الخاص إن نجاحنا سببه هو الجودة. أعتقادي إن نجاح RDR 2 هيبقى بسبب جودتها, وإن نجاح GTA Online هو بسبب جودتها المذهلة.
Red Dead Redemption 2 هتنزل الخريف ده على Xbox One و PlayStation 4.
