الفترة اللي فاتت لم يكن متوفر معلومات جديدة عن Kingdom Hearts III, ولكن مخرج اللعبة Tetsuya Nomura قدم تفاصيل جديدة خلال مقابلة مع Dengeki Online.
Nomura-san ذكر إن عناصر مختلفة جدا لو عملنا مقارنة ما بين نظام الـCombat الخاص بـKingdom Hearts 0.2: Birth by Sleep – A Fragmentary Passageو Kingdom Hearts III, ولكن 0.2 هي مثال تمهيدي لشكل Kingdom Hearts لما يتم تطويرها على PS4.
خاصة من ناحية Graphics, الاضاءة لما تم تطبيقها أول مرة, و فريق Square Enix Visual Works قدم مساعدة لفريق التطوير كان في أخطاء و مشاكل كتير خلال التطبيق.
في الماضي, Nomura-san كان بيؤمن إن جو Disney لا يمكن تحقيقه عن طريق الاضاءة, ولكن قرر إن عن طريق قدرات الأجهزة الحالية فـ هو يقدر انه يطبق نظام اضاءة كويس من غير ما يضر جو العالم. أيضًا هو لسة بيتعود على العمل مع نظام ده, فـ هو بيؤمن إن في المستقبل الموضوع هيتحسن جدا.
أيضًا Nomura-san بيكشف إن ميزة Situation Command اللي كانت متوفرة في Kingdom Hearts 0.2 هي حاجة هو كان عايزها تبقى موجودة منذ بداية تطوير Kingdom Hearts III. الموضوع عبارة عن تطور لـReaction Command اللي كانت متوفرة في Kingdom Hearts II. النظام ده هيقدم مرونة أكتر و Nomura-san شايف انه هيبقى جزء مهم جدا في Kingdom Hearts III.
ميزة character decoration الخاصة بـKingdom Hearts 0.2 ممكن تبقى متوفرة في Kingdom Hearts III أيضًا. ولكن الموضوع هيعتمد على جدول التطوير, لأن في عناصر اهم بكتير الستوديو شغال عليها, زائد إن Nomura-san منتظر يشوف تفاعل الجماهير مع نظام ده في Kingdom Hearts 0.2.
لحد دلوقتي, كل الشخصيات و البيئات الخاصة باللعبة كان بيتم تطويرها عن طريق استخدام الجزء الأول كأساس لانتاج اللعبة, ولكن Kingdom Hearts III بيتم تطويرها لأجهزة بـ أمكانيات مختلفة جدا عن اللي كان تم استخدامها من اجل الجزء الاول, فـ كل حاجة كان لازم يتعملها remodeling من الأول خالص و ده حاليا تحدي للفريق.
أيضًا حسب Nomura-san, فـ Kingdom Hearts 3D: Dream Drop Distance بتشير إلى اتجاه لعب Kingdom Hearts في المستقبل, فـ ممكن نقول إن ديه هي نقطة بداية Kingdom Hearts III.
حاليا تطوير Kingdom Hearts III بيواجه تحدي مساحة الشغل الضخمة الخاصة بـ اعادة تطوير Models كلها من الأول, بس حاليا الموضوع ماشي لقدام جدا, و ده شيء مخلي Nomura-san مرتاح. وهو أيضًا نفسه يكشف عن معلومات جديدة ولكن الوقت الصحيح لسة بيتم تحديده.
بما إن 2017 هي احتفالية 15 سنة على Kingdom Hearts, و ده معناه إن هيبقى في حفلات كذا حدث خاص بـ الاحتفالية, Nomura-san هيبقى عايز يستغل حاجة زي كده عشان يقدم أخبار جديدة, ولكن هو لسة محددش امتى, وطلب في آخر المقابلة إن الجماهير تصبر معاه شوية.
Kingdom Hearts HD 2.8 Final Chapter Prologue هتبقى متوفرة حصريا على PS4 وهتنزل في 24 يناير القادم, أما Kingdom Hearts III هتنزل على PS4 و Xbox One ولكن مفيش موعد اصدار حتى الآن.
