Uncharted 4: A Thief’s End هتنزل بعد كام أسبوع خلاص, و الواحد ممكن يكون بيسأل نفسه هي اللعبة هتاخد قد إيه عشان تخلص. حتى الآن مفيش أجابة نهائية و محددة, ولكن Arne Meyer من Naughty Dog قال خلال بث حي إن اللعبة مدتها طويلة جدا.
Meyer للأسف لم يحدد مدة معينة لكام ساعة اللعبة هتحتاجها عشان تخلص, ولكن هو قال إن اللعبة من المفترض إنها هتبقى أطول من الأجزاء السابقة.
Naughty Dog برضه ناقشوا اعدادات الصعوبة في A Theif’s End. مثال في العرض الخاص بـMadagascar, كان في Snipers فقط. ولكن لو لعبت اللعبة على Hard أو Crushing فـ هتلاقي أعداء بـRPGs و Snipers.
في Hard و Crushing, الأعداء عندهم دقة أعلى و عندهم القدرة على أيجادك بسرعة, و ده بيخلي محاولة الواحد انه يخلص المهمة Stealth صعبة أكتر. بالأضافة إلى كده, الأعداء على Crushing هيبقوا أعنف لما بيبحثوا عنك, خلال لعبك على Crushing برضه المساعدات اللي بتبان على الشاشة هيتم تقليلها بشكل ملحوظ.
Uncharted 4 A Theif’s End هتنزل حصريا على PS4 يوم 10 مايو القادم.
