Driveclub مع نزولها اتعرضت لكم كبير من المشاكل خلي اللعبة مينفعش تتلعب Online بسبب ان الـServers بتاعتها مش شغالة.
و Shuhei Yoshida مدير ستيديوهات Sony في مقابلة مع Kotaku وضح ان السبب كان بشكل رئيسي هو الضغط من اعداد ضخمة علي سيرفيرات اللعبة و البنية الخاصة بيها متحملتش الاعداد دي بالاضافة لخطأ في اختبارات التحمل و عدم تصميمه بشكل مناسب يقدروا من خلاله يطلعوا بتقارير توضحلهم ايه الازمة اللي ممكن تحصل من الضغط الناتج عن الاعداد الكبيرة.
و اضاف ان الاخطاء اللي حصلت مع نزول اللعبة ادت لتفادي امثالها مع العاب زي Bloodborne اللي بتقدم اعتماد علي جانب الـOnline في بعض جوانبها و في نفس الوقت فريق من المهتدسين دخلو عملية اعادة برمجة و بناء للسيرفيرات الخاصة بـDriveclub من جديد للعبة Driveclub.
و جدير بالذكر ان نسخة الـPlaystation Plus متوفرة حاليا للتحميل بعد تأجيل من ساعة نزول النسخة العادية.
