مجموعة مطورين من اللي اشتغلوا علي سلسلة S.T.A.L.K.E.R. جمعو نفسهم في ستيديو جديد اسمه West Games و معاهم برضو مطورين من ستيديو 4A اللي قدم سلسلة Metro.
المطورين جمعوا نفسهم عشان يقدمو لعبة جديدة اسمها Areal وصفها بالخليفة الروحي لسلسلة S.T.A.L.K.E.R. و بدأو في حملة Kickstarter للعبة و عاوزين يجمعو 50 الف دولار .
Areal المفروض انها لعبة post apocalyptic بتعرض نهاية البشرية عن طريق مادة اسمها Metamorphite, اللعبة بتخليك تعيش دور شخص من مجموعة ناس فضلو علي قيد الحياة في وسط عالم مفتوح و قصة مش خطية و معتمدة علي اختيارتك.
اللعبة هتقدم جيمبلاي RPG مركز علي تعديل الشخصيات و الاسلحة و الادوات اللي معاك.
اللعبة المفروض هتنزل في سيبتمبر 2015 علي Linux, Mac, PC, PS4, Wii U و Xbox one و من خلال صفحة Kickstarter ممكن تتعرفو اكتر علي اللعبة
