Bungie توضح سبب وجود شوية من الـDLC’s الخاصة بـDestiny على الاسطوانة .

في الفترة اللي فاتت, ناس كتير قدرت تخش مناطق من اضافات قادمة للعبة , المناطق معظمها مش كاملة لسة, كمثال واحد من اللاعبين قدر انه يخش منطقة اسمها Terminus و المفروض إن احنا مانشوفش المنطقة ديه الا لما اضافة  The Dark Below تنزل .

في مقابلة مع Harold Ryan رئيس Bungie وضح إن المناطق ديه موجودة على الاسطوانة عشان يقلل حجم الاضافات.و المفروض انهم بيحاولو يعملوا حساب سرعات الانترنت و الاحجام المتوفرة علي وحدات التخزين علي المنصات المختلفة, و المحتويات اللي علي الاسطوانة  تطويرها مخلصش و مش بيمثلوا اللي هيبقى موجود لما الاضافات تنزل .

Ryan قال برضه إن معظم محتوىThe Dark Below كمثال تم تطويره في خلال آخر 3 شهور بعد الانتهاء من تطوير اللعبة الأساسية. Eris وديه شخصية جديدة هتبعت اللاعب لمهمات في الاضافة القادمة, هنشوف قصتها, ونشاطات مختلفة و كمان Bosses جداد تماما تم تطوير كل ده  بعد شحن اللعبة.

الاسبوع اللي فات, Bungie كشفت عن اضافة The Dark Below اللي هتنزل في 9 ديسمبر, وهتبقى بـ20 دولار .الإضافة هيبقى فيها اسلحة جديدة, قصة جديدة, وهترفع الحد الأقصى للمستوى لـ32, والمزيد, اللي ممكن تعرفه من هنا.