Fallout 4 تقريبا تالت RPG بتيجي السنة دي و تستحوذ علي حيذ كبير جدا من وقتي و تفكيري علي مدار الاسبوعين اللي فاتو من ساعة نزولها.
شخصيا انا لعبت اللعبة 95 ساعة و دول من خلالهم خلصت القصة و كمية من المهمات الجانبية و تعمقت في الـCrafting System الخاص باللعبة, و دي فترة مش كفيلة اني اقدر اخلص محتوي اللعبة بشكل كامل لاني بعد لما خلصت القصة لقيت اني في اماكن كتير و مهمات جانبية اكتر مجتش جنبهم و ممكن عشان استكشفهم و اخلصهم بشكل كامل محتاج فوق ال95 ساعة دول قدهم مرتين كمان
لكن بشكل عام بعد مدة اللعب الطويلة دي اخيرا اقدر اجي و اتكلم معاكم بشكل مفصل عن كل جوانب اللعبة اللي احنا انتظرناها بقالنا مدة طويلة و نشوف اللعبة ممكن تكون من افضل العاب السنة و لا لا .
