موضوع صعوبة الالعاب من الممكن يكون من اعقد المواضع اللي الواحد لما يفكر شوية هو هيتكلم عنها و هيقول ايه، و دا غالبا موضوع بيتكرر بشكل كبير مع نزول العاب بتقدم مستويات تحدي عالية زي العاب ستوديو from software تحديدا و لعبتهم الاخيرة Sekiro Shadows Die Twice و بعيدا عن الـ Souls Games شفنا الموضوع اتكرر مع لعبة مختلفة تماما زي Cuphead مثلا.
و من بعد تفكير طويل مني و مراجعة بيني و بين نفسي لجوانب تخص صعوبة الالعاب في العاب مختلفة مش بس السولز جيمز و اطلاع علي اراء كتير جدا بتطالب مثلا باضافة مستويات صعوبة في العاب from software في نقط كتيرة هتكلم عنها في الفيديو دا زي مثلا فكرة مستويات الصعوبة عموما هل اي لعبة ينفع يضاف لها مستويات صعوبة وتأثير الموضوع دا على تطوير العاب كتير و رؤية المطور لما يجي يقدم لعبته في ظل مستويات الصعوبة دي
