بعض اجزاء سلسلة Assassin’s Creed و خصوصا اخر جزء Unity كانوا مقدمين تطبيقات للتليفونات المحمولة بتخليك تقدر تفتح بعض الصناديق او الاماكن في اللعبة , الموضوع كان ممكن يكون مزعج لبعض الناس لكن فريق تطوير Assassin’s Creed Syndicate اكد تخليه بشكل كامل عن الفكرة دي. و السؤال هو ليه التغيير المفاجئ دا ؟؟
في المقابلة مع موقع Eurogamer فريق التطوير اكد انهم عاوزين تجربة اللعبة بالكامل تكون في اللعبة نفسها و تكون تجربة لعب فردي بدون اي اضافات تعترضها و التركيز علي قلب التجربة دي بشكل اكبر.
جدير بالذكر ان Assassin’s Creed Syndicate اول جزء اساسي في السلسلة بدون اي مميزات بتعتمد علي اتصال بالانترنت سواء لعب تعاوني او تنافسي او حتي مميزات زي التطبيقات الجانبية اللي تم ذكرها في المقالة.
اللعبة هتنزل علي PS4 و Xbox One يوم 23 اكتوبر و متحددش معاد نزول نسخة الـPC.
