في الوقت الحالي Kojima و Konami انفصلوا بشكل كامل و المطور بقي ليه ستيديو مستقل, و مع انتهاء عقده مع الناشر توقع بعض الناس انه من الممكن يدي تفاصيل اكتر عن اللي حصل في الشهور الاخير بينه و بين الناشر لكن علي ما يبدوا في تعاقد بعدم ابداء اي تصاريح بخصوص الموضوع دا.
لكن Kojima في مقابلة مع The New Yorker اتكلم بشكل فيه تلميحات تخص الخلاف دا و طبيعة العمل مع ناشر و مميزات كونه مطور مستقل. و قال ان مع الرغبة في استهداف السوق العالمي بمنتج معين الادارة الخاصة بالمشروع عليها انها يكون عندها الاحساس بالخطوات اللي ينفع تتنفذ و الخطوات اللي فيها مخاطرة كبير, و لو اي ادارة ركزت علي المكسب فقط الوقت ممكن يسرقهم بشكل كبير و من المستحيل يقدر اي حد يعوض الوقت الضائع دا.
و غير كده هو اكد علي وجود شيئ من البيروقراطية او الروتين بتعاني منه الشركات اليابانية و رغبة اي ادارة في وجود موافقة مسبقا بأوراق و هكذا علي اي شئ بيحصل في اي مشروع, و كونه مطور مستقل حاليا يخليه يقدر يعمل اللي هو عاوزه باسرع شكل و عدم تضيع وقت في اجتماعات تحجم اي مخاطرة يتمني انه ياخدها.
